Хорижий ОАВнинг берган маълумотларига кўра, Россия ва АҚШ вакиллари Анқарада саҳна ортида музокаралар ўтказмоқда.
Унда РФ томонидан Ташқи разведка хизмати директори Сергей Наришкин иштирок этмоқда. Тафсилотлар ошкор қилинмаган.
Россия президенти матбуот котиби Дмитрий Песков журналистларга музокаралар ҳақидаги маълумотни “тасдиқлай олмаслигини ҳам, рад эта олмаслигини ҳам” айтди.
Москва ва Вашингтон охирги марта шу йилнинг 10 январида расман учрашиб, хавфсизлик кафолатлари бўйича музокаралар ўтказганди. Учрашув амалий натижа бермаган.
Айни пайтда Россия ва Украина дипломатлари икки давлат ўртасида тўғридан-тўғри музокаралар олиб бориш мумкин бўлган шартлар ҳақида янги баёнотлар бермоқда.
Хусусан, Россия ташқи ишлар вазири ўринбосари Александр Грушко руc қўшинларининг Eкраинадан олиб чиқиб кетилиши Москва учун музокараларни бошлашнинг дастлабки шарти сифатида қабул қилиниши мумкин эмаслигини айтди.
12 ноябрь куни президент Зеленский офиси раҳбари маслаҳатчиси Михаил Подоляк яна бир бор Россия қўшинларининг Украина чегараларидан олиб чиқиб кетилиши суҳбатни бошлаш шарти эканлигини айтганди.