АҚШ ва Хитой раҳбарлари телефон орқали суҳбатлашди
Етакчилар Украинадаги вазиятни муҳокама қилишди.
АҚШ президенти Жо Байден ва Хитой раҳбари Си Цзиньпин телефон орқали мулоқот қилиб, Россия ва Украина ўртасидаги урушини муҳокама қилди. Суҳбат тафсилотларини Ғарб матбуоти эълон қилмоқда.
CNN хабарига кўра, Хитой раҳбари суҳбат чоғида “можаро ва қарама-қаршилик ҳеч кимга керак эмас”, деб айтган.
"Давлатлараро муносабатлар ҳарбий қарама-қаршилик босқичига ўтиши мумкин эмас. Можаро ва қарама-қаршилик ҳеч кимнинг манфаатига мос келмайди. Тинчлик ва хавфсизлик халқаро ҳамжамиятнинг энг қимматли бойлигидир", деган Си Цзиньпин
Унинг таъкидлашича, Хитой ва АҚШ икки томонлама муносабатларни тўғри йўлга қўйиши, ҳар икки томон ҳам ўзларига тегишли халқаро масъулиятни ўз зиммасига олиши ва дунё тинчлиги учун ҳаракат қилишлари керак.
Бу АҚШ ва Хитой раҳбарларининг сўнгги ойлардаги биринчи музокарасидир. ОАВ маълумотларига кўра, суҳбат икки соат давом этган.
Америка томондан ҳозирча ҳеч қандай изоҳ йўқ.
