Миннесота штатида 1998 йилда қотилликда айбланиб 27 йил қамоқда сақланган Брайан Хупер суд қарори билан оқланиб, озод қилинди. Бу ҳақда NBC News хабар берди.
Хупер ўша пайтда 77 ёшли Энн Празнякнинг ўлимида айбдор деб топилган ва унга қарши ҳукм асосан Чалака Янг исмли аёлнинг кўрсатмасига таянлган эди. Кейинчалик Янг жиноятни ўзи содир этганини тан олган. Шунингдек, Хуперга қарши гувоҳлик берган қамоқхона маҳбуслари ҳам ўз баёнотларидан воз кечишган.
Суд қарори билан эркак оқланиб, 27 йилдан сўнг оиласига қайтиш имкониятига эга бўлди. Прокурор Мэри Мориарти:
"Биз жаноб Хупернинг ниҳоят озод бўлгани учун мамнунмиз ва бу адолатсизликда прокуратура идораси ўйнаган роль учун узр сўраймиз", — деди.