АҚШда афғон қочқинларини жойлаштиришда муаммо юзага келди
АҚШда эвакуация қилинган афғонларни жойлаштириш жараёни чўзилиб кетаётгани сабаблари очиқланди. Бу ҳақда Пентагон расмийларига таяниб, The Wall Street Journal хабар берди.
Пентагон расмийларидан бири жойлаштириш уч омил туфайли чўзилиб кетганини маълум қилган. Булар – бюрократик тўсиқлар, зарур тураржойнинг етишмаслиги ва эмлаш. Маълум бўлишича, афғонларни янги яшаш жойларига йил охирига қадар жўнатиш мақсад қилинган. Эндиликда эса бу жараён 2022 йил мартига қадар чўзилиши мумкин.
Ҳозирги кунда АҚШнинг саккиз ҳарбий базасида 50 минг афғонистонлик жойлаштирилган. Шунингдек, эвакуация қилинганларининг қочқин сифатида рўйхатга олинмаслиги ҳам жараённи қийинлаштирмоқда.
Бундан аввал Жозеф Байденни қутқарган таржимон Афғонистондан олиб чиқиб кетилгани ҳамда Канада афғон қочқинларининг катта қисмини қабул қилиши хабар қилинганди.
Жаҳонгир Қўзиев
