АҚШда инглиз тили расмий тил деб эълон қилинди
Бунгача мамлакатда расмий тил йўқ эди.
АҚШ Президенти Доналд Трамп 1 март куни имзолаган фармонга кўра, инглиз тили мамлакатнинг ягона расмий тили деб эълон қилинди. Бу ҳақда Оқ уй расмий сайти хабар берди.
Фармонда “Бирлашган миллат учун ягона тил керак” экани таъкидланиб, бу қарор коммуникацияни осонлаштириши ва миллий қадриятларни мустаҳкамлашга хизмат қилиши айтилган.
Шунингдек, ҳужжат Билл Клинтон даврида қабул қилинган қарорни бекор қилди, у АҚШда инглиз тилини билмаган шахсларга давлат идоралари томонидан хизмат кўрсатишни талаб қиларди. Энди муассасалар ўзлари бошқа тилларда ёрдам кўрсатиш ҳажмини белгилаши мумкин.
