АҚШни техник дефольт кутмоқда
АҚШ ҳукумати янги кредит олишни чекловчи чегарага етиб келди. Бу ҳақда Bloomberg агентлиги маълум қилди.
Америка қонун чиқарувчилари 2019 йилда ҳукумат учун лимит ўрнатган: 22 триллион доллардан кўп қарз олиш мумкин эмас. Ҳозир бу суммага ўтган икки йил давомида тўпланиб қолган қарзлар ҳам қўшилса, унинг умумий ҳисоби 28,5 триллион долларни ташкил этади.
Музлатиш ҳақидаги қарор пандемиядан олдин қабул қилинган эди, аммо шундан кейин ҳукумат умуммиллий вакцинация, бизнес ва одамларни қўллаб-қувватлашга харажат қилди. Шу сабабли энди Америка ўз кредиторларига 28,5 триллион қарз бўлиб қолди. Бу ҳукумат энди бошқа қарз ололмаслигини англатади.
Хабар қилинишича, айни пайтда вазиятни ўзгартиришнинг иложи йўқ ва АҚШни техник дефолт кутмоқда.
Петерсон халқаро иқтисодиёт университети катта илмий ходими Дэвид Уилкокс конгрессменлар зудлик билан музокара столига ўтиришлари кераклишини айтмоқда.
Аммо ҳозир таътил мавсуми бўлгани учун сентябргача жиддий чора кўришнинг имкони йўқ.
Вакиллар палатаси бюджет қўмитаси раиси Жон Ярмут журналистларга ҳозирча бу борада ҳеч қандай режа йўқлигини билдирган.
АҚШга хавф солиб турган техник дефолт миллий валюта курсининг пасайишига олиб келади.
Молия вазирлиги ҳозирча мавжуд бўлган 450 миллиард доллардан фойдаланиши ва зудлик билан қарор қабул қилиши керак. Bloomberg хабарига кўра, Молия вазирлиги шу йилнинг 30 июлидан ана шундай режимга ўтган.
Шарофат Маҳмудова
