Инновацион ривожланиш вазирлик ҳайъатининг навбатдаги йиғилишида Илмий-техник кенгашлар томонидан тақдим этилган илмий лойиҳалар кўриб чиқилди. Мазкур лойиҳаларнинг салоҳияти, илмий аҳамияти ва натижадорлиги инобатга олинган ҳолда Қишлоқ хўжалиги, ветеринария ва атроф-муҳитни муҳофаза қилиш фанлари йўналишида иккита ҳамда Биотехнология ва биология фанлари йўналиши бўйича битта фундаментал лойиҳага маблағ ажратилиши тасдиқланди.
Шунингдек, фанлар бўйича қуйидаги шаклда грантлар ажратилиши белгиланди:
1. Ўрмон хўжалиги. Тупроқшунослик ва ўсимликларни ҳимоя қилиш фанлари бўйича – 1 (амалий);
2. Тиббиёт фанлари бўйича – 2 (амалий);
3. Филология, психология ва педагогик фанлар йўналишида – 2 (битта амалий ва битта инновацион лойиҳа);
4. Фармакология ва фармацевтика йўналиши – 1 (инновацион);
5. Ахборотлаштириш ва ахборот-коммуникациялар йўналиши — 1 (инновацион).
Бундан ташқари, биттадан тижоратлаштиришга тайёрлаш ва стартап лойиҳаларини молиялаштириш ҳам кутилмоқда
Мафтуна Режаббоева тайёрлади.