АҚШ Президенти Жо Байден Исроилга ташрифи чоғида бош вазир Яир Лапиддан Украинага ҳарбий ёрдамни кенгайтириш ва қурол-яроғ билан таъминлашни сўради. Бу ҳақда “Walla” нашри хабар берди.
Аввалроқ Вашингтон Қуддусга бир неча бор мурожаат қилган, аммо рад жавоби берилган. Хусусан, Германия томонидан Исроил технологияси ва лицензияси асосида ишлаб чиқарилган танкка қарши ракеталарни етказиб бериш ҳақида гап кетмоқда.
Эслатиб ўтамиз, айни кунларда Байден президент сифатида Яқин Шарққа илк ташрифи амалга оширмоқда.