Bayden ўзини Трампдан кўра муваффақиятлироқ эканини маълум қилди
АҚШ етакчиси Дональд Трампни кескин танқид қилди.
Жозеф Байден АҚШ собиқ президенти Дональд Трампдан кўра ўзини муваффақиятли деб ҳисоблайди. Бу ҳақда у Виргиния штатидаги чиқишида айтиб ўтган
.
“Дональд Трамп пайтида Гурберт Гувер президентлиги давридан (1929-1933 йилларда АҚШни бошқарган) кейин энг кўп ишчи ўрни йўқотилган. Биз эса сўнгги 9 ойда Америка тарихидаги энг кўп янги иш ўринларини яратишга муваффақ бўлдик”, – деган у.
Шу билан бирга Байден коронавирусга қарши самарали кураш олиб борилаётганига эътибор қаратди. Унинг фикрича, Трамп даврида коронавирусга қарши вакциналар ишлаб чиқилган бўлса-да, бор-йўғи 2 миллион киши эмланган. Унинг президентлигининг дастлабки тўққиз ойида эса 190 миллион америкалик вакцина олди.
“Трамп иқтисодий вазиятни баҳолайдиган энг яхши кўрсаткич фонд бозори деб ҳисоблайди. Менда эса аксинча. Фонд бозорларига қаранг – у ҳеч қачон ҳозиргидек юқори бўлмаган”, – деб таъкидлади Байден.
Шунингдек, АҚШ етакчиси 6 январь уни Капитолийга ҳужум ҳақида гапирар экан, Трамп учун бу кун эмас, балки 2020 йил 3 ноябрь кунги президент сайлови ҳақиқий қўзғолон бўлганини қайд этди.
Аввалроқ Дональд Трамп шахсий ижтимоий тармоғи яратилганини эълон қилганди. Шунингдек, Байден Хитой билан совуқ урушни истамаслиги ҳақида хабар берилганди.
Жаҳонгир Қўзиев
