Украина Ички ишлар вазири маслаҳатчиси Антон Геращенко "Фокус" нашрида эълон қилинган мақоласида АҚШ ва Украина пркзидентларига "Нобель" мукофоти беришни таклиф қилди. Мақолада айтилишича, Байден ва Зеленский тўлиқ масштабли уруш бўлишининг олдини олгани учун мукофотга лойиқ.
"Россиянинг Украинага бостириб киришига йўл қўймаган Владимир Зеленский, Жо Байден, Борис Жонсон, Эммануэль Макрон ва бошқа етакчилар кучларини бирлаштириб Европада иккинчи совуқ уруш бошланишининг олдини олди ва улар бу йил "Нобель" тинчлик мукофотини қўлга киритиши керак", - деган Геращенко.
Шунингдек, у 16 февраль кунига режалаштирилган "ҳужум" Украинанинг ғарбий ҳамкорлари билан бирлашгани сабабли амалга ошмаганини таъкидлади.
Эслатиб ўтамиз, аввалроқ германиялик журналист Ханс-Юрген Мориц Европага совуқ уруш яқинлашаётганини ёзганди.