Байденнинг атрофидагилар уни Украинадаги вазият жиддийлашишида айбламоқда
"АҚШ чет элдаги навбатдаги можарога аралашиб қолиши керак эмас" — Александрия Окасио-Крортес.
Американинг машҳур сиёсатчиларидан таркиб топган "Америка демократ социалистлари" гуруҳи Украинадаги вазият бўйича ўз хулосасини эълон қилди. Унда АҚШ ва унинг ҳамкорлари жорий қилган санкциялар "уруш қаршисидаги баланс" деб баҳоланди.
"Бу инқироз деэскалация, халқаро ҳамкорлик ва бошқа чораларни талаб қилади. Америка демократ социалистлари" гуруҳи яна бир марта АҚШ раҳбариятидан НАТОдан чиқишни ва империал экспансияга чек қўйишни сўрайди", - дейилади ҳисоботда.
Гуруҳ аъзоси бўлган Александрия Окасио-Кортес Вакиллар палатасининг энг обрўли аъзоларидан бири. Украинадаги махсус операция бошланишидан бир неча кун олдин у АҚШ президенти Жо Байдендан Укранага ҳарбийлар юбориладиган тақдирда Конгрессдан рухсат олишни сўраган.
"Америка халқи Конгрессдаги вакиллари орқали ўз фикрини билдиришга ҳақли. Агар шундай қилинмаса, АҚШ чет элдаги яна бир ҳарбий можарога аралашиб қолади", — деган у.
Байден Украинага америкалик ҳарбийларни юбориш ҳақида ҳатто ўйламаётганини таъкидламоқда.
Бир неча ой олдинги Афғонистондаги вазиятда ҳам Байден айбланган эди. Ўшанда Трамп уни айблаб, истеъфога чиқишни талаб қилган.
