Бекободда аёлининг ўлимига сабабчи бўлган эркак қамалди

Аввалроқ Тошкент вилоятининг Бекобод туманида яшовчи 28 ёшли аёл 5-қаватдан ўзини ташлаб, жонига қасд қилгани ҳақида хабар берилганди.

 

Жиноят ишлари бўйича Бекобод туман судининг 2024 йил 13 августдаги ҳукмига мувофиқ, марҳуманинг турмуш ўртоғи Д.Х. Жиноят кодексининг 103-моддаси (ўзини ўзи ўлдириш даражасига етказиш) 2-қисми “a” бандида назарда тутилган жиноятни содир этганликда айбли деб топилиб, унга 9 йил муддатга озодликдан маҳрум қилиш жазоси тайинланди. Тайинланган жазони умумий тартибли колонияда ўташ белгиланди.

 

Жабрланувчи Н.Х. (марҳума)нинг қонуний вакили Р.С. судланувчи Д.Х.дан моддий ва маънавий зарарларни ундириш юзасидан тегишли ҳужжатларни тўплаб, фуқаролик ишлари бўйича судга мурожаат қилиш ҳуқуқига эга.

 

Биринчи инстанция судининг ҳукми устидан томонлар қонунда белгиланган тартиб ва муддатда Тошкент вилоят судига апелляция (кассация) инстанциясига шикоят бериш ва протест келтириш мумкинлиги маълум қилинган.