“Boeing C-17” ҳарбий-транспорт самолётида инсон танаси қолдиқлари аниқланди
Кобулдан учиб кетган “Boeing C-17” ҳарбий-транспорт самолётининг шасси бўлимида инсон танаси қолдиқлари мавжудлиги бўйича суриштирув бошланди. Бу ҳақда CNN АҚШ ҳарбий-ҳаво кучлари маълумотларига таяниб хабар қилмоқда.
Бундан аввал ижтимоий тармоқларда Кобул аэропортидан олинган видеолар тарқалган эди. Уларда кўплаб одамлар Кобулдан чиқиб кетиш мақсадида учиш-қўниш йўлагида югуриб, АҚШ ҳарбий-ҳаво кучлари самолётларига осилиб чиқмоқчи бўлгани тасвирланган.
Ушбу ҳодиса оқибатида 8 киши тиқилинчда ҳалок бўлган, 3 киши самолётдан қулаб тушган.
Қайд этилишича, мазкур самолётдаги инсон танаси қолдиқлари у Қатардаги Эл-Удейд авиабазасига қўнганидан сўнг аниқланган. Самолёт мутахассислар ундаги инсон танаси қолдиқларини тўлиқ тозалаб, текшириб чиқмагунича парвозларни амалга оширмайди.
Шарофат Маҳмудова
