Борис Жонсон НАТО бош котиби бўлиши мумкин
Альянснинг амалдаги раҳбари Йенс Столтенберг 2023 йил сентябрида ўз лавозимини тарк этади.
Аввалроқ истеъфога чиққан Британия бош вазири Борис Жонсон НАТОнинг навбатдаги бош котиби бўлиши мумкин. Бу ҳақда "The Telegraph" нашри хабар берди.
Қайд этилишича, Британия Консерваторлар партиясининг юқори мартабали раҳбарлари Жонсоннинг бош котиб лавозимига номзодини қўллаб-қувватламоқда. Шу билан бирга, мудофаа вазирлигидаги манбага кўра, Европа Иттифоқининг барча мамлакатлари ҳам Жонсоннинг номзодини маъқулламайди. Манбанинг таъкидлашича, агар собиқ бош вазир НАТО бош котиби бўлишга ҳаракат қилса, у Франция ветосига дуч келади, чунки альянсдаги қарорлар бир овоздан қабул қилинади.
Эслатиб ўтамиз, альянснинг амалдаги раҳбари Йенс Столтенберг 2023 йил сентябрида ўз лавозимини тарк этади.
