Британияда “пиёниста” ит даволанди
У хўжайини ухлаган вақтда столда қолдирилган спиртли ичимликларни ичиб келган.
Итлар ҳам пиёнисталикдан азият чекиши мумкин экан. Буюк Британияда алкоголизмдан азият чекувчи ит даволанди.
Хўжайинининг вафотидан сўнг икки ит уйсиз итлар бошпанасига олиб кетилган. Ўша ерда ветеринарлар итларда тутқаноқни кузатиб, улар абстинент синдромидан азият чекаётганини пайқаган.
Итлардан бири нобуд бўлган, икки ёшли Коко лақабли лабрадор эса касалликдан даволанган.
Кейинчалик аниқланишича, жониворлар хўжайин уйқуга кетганида у стол устида қолдириб кетган спиртли ичимликларни ичиб келган.
Маълумот учун: ит ва мушуклар организми алкоголни ҳазм қила олмайди ва спиртли ичимликнинг кам дозаси ҳам уларнинг кучли заҳарланишига олиб келади.
