Аввалроқ Шавкат Мирзиёев фармони билан Комил Алламжонов Президент Администрацияси раҳбарининг ўринбосари лавозимига тайинлангани хабар берилганди. Шундан сўнг Алламжоновнинг ўзи ҳолат бўйича жамоатчиликка баёнот эълон қилди.
“Жуда масъулиятли вазифага тайинландим. Бугундан бошлаб Масс-медиани қўллаб-қувватлаш жамоат фонди Васийлик кенгаши раиси лавозимидаги фаолиятимни якунлайман.
Ва шуни таъкидлаб ўтмоқчиманки, мен бугундан бошлаб барча бизнес лойиҳаларим, компанияларимни ҳам бошқа эгаларига топшираман. Бугундан бошлаб мен бизнесмен эмасман. Чунки мен манфаатлар тўқнашувига мутлақо қаршиман ва қолганларга ҳам шуни маслаҳат бераман”, — дейди у.
Таъкидланишича, Масс-медиа фондига тез кунларда янги раис тайинланади.