Буюк Британия дунёда биринчи бўлиб COVID-19 вирусига қарши дорини тасдиқлади
Молнупиравир номли дорини коронавирусга чалинган беморлар уй шароитида қабул қилишлари мумкин.
Буюк Британия дунёда биринчи бўлиб Меrsk компаниясининг COVID-19 вирусига қарши таблеткаларини тасдиқлади.
Молнупиравир номли дорини коронавирусга чалинган беморлар уй шароитида қабул қилишлари мумкин. Бу ҳақда BBC хабар қилди.
"Бугун мамлакатимиз учун тарихий кун, чунки Буюк Британия дунёда биринчи бўлиб, уйда қабул қилиниши мумкин бўлган COVID-19 вирусига қарши дорини тасдиқлади", - деди Буюк Британия соғлиқни сақлаш вазири Сажид Жовид.
Унинг таъкидлашича, таблеткалар яқинда касаллик аниқланган беморларга кунига икки марта берилади.
Илгари маълум қилинганидек, клиник синовларнинг учинчи босқичида Молнупиравирни қабул қилган беморларнинг атиги 7,3 фоизи касалхонага ётқизилган. Қурбонлар йўқ.
Шунингдек, Молнупиравир коронавирус пандемиясига қарши курашда муҳим ёрдамчига айланиши мумкинлиги хабар қилинган.
Насиба Тўхтаева
