Captiva-2024 нархлари ҳақида тарқалган хабарлар рад этилди
“UzAutoMotors” маълумотлар сохта эканини маълум қилди.
Ижтимоий тармоқларда Chevrolet Captiva-2024 автомобилларининг нархлари ҳақида маълумотлар тарқалди. “UzAutoMotors” тарқалган хабарга муносабат билдирди.
Қайд этилишича, тарқалган маълумотлар сохта. Сайтдан олинган скриншотларда Chevrolet Tracker автомобиль расми ва нархлари кўрсатилганига эътибор бермаган ҳолда, каналлар сохта хабарларни тарқатишда давом этмоқда. “UzAutoMotors” компанияси ижтимоий тармоқларда тарқатилган автомобиль ҳақидаги маълумотлар нархи ва комплектациясига кўра Chevrolet Tracker автомобилига тўғри келиши ва Captivaʼга ҳеч қандай алоқаси йўқлигини маълум қилди.
“Бундан ташқари, Chevrolet Captiva фақат 3 та комплектацияда сотувга чиқарилади. Ҳурматли канал админлари ва блогерлар, хабарни «сенсация» қилишдан олдин компаниянинг расмий каналларида берилган маълумотларни диққат билан солиштиришингизни сўраймиз”, — дейилади хабарда.
