Чехияда украиналик эркак калтакланди
У жамоат транспортидан ҳам тушириб юборилган.
Прагада трамвай ҳайдовчиси украиналик оилага бақириб, эркакни уриб юборди ва уларни мажбуран машинадан туширди. Бу ҳолатни гувоҳлар видеога олган.
Ҳайдовчи 2 ёшли бола билан кетаётган оилага қаттиқ бақирган ва эркакни урган.
Гувоҳларнинг сўзларига кўра, ҳайдовчи “Сизнинг бу мамлакатда бўлишга ҳаққингиз йўқ!” деб бақирган. Жабрланган 63 ёшли эркак жиддий жароҳат олмаган.
Оила дастлаб шикоятни Прага жамоат транспорти бошқармасига билдирган, кейин полицияга мурожаат қилган. Ҳозирда транспорт компаниясининг расмий изоҳи кутилмоқда.
