Ўзбекистон Давлат активларини бошқариш агентлиги (ДАБА) Маданий мерос агентлигининг «Шарқ» нашриёт-матбаа ижодий уйи бинолари, жумладан, ҳозирда ЎзА эгаллаб турган 16 қаватли бинони аукциондан олиб ташлашни талаб қилган баёнотига изоҳ берди.
Тошкент шаҳри, Миробод тумани, Буюк Турон кўчаси, 41-уй манзилида жойлашган бинолар Вазирлар Маҳкамасининг 2019 йил 4 октябрьдаги 846-сонли қарори билан Моддий маданий мерос кўчмас мулк объектларининг давлат реестрига киритилган.
2023 йил июньдаги кадастр ҳужжатларига кўра объектнинг умумий ҳудуди 28 888 кВ метрни, бўш ер майдони 15 211 кВ метрни, бино ва иншоотларнинг ҳажми 42 048 кВ метрни, шундан 25 024 кВ метрни ишлаб чиқариш ва ёрдамчи бинолар ташкил этади ва 3 та алоҳида маъмурий бинолар мавжуд,- дея қайд этди Ўзбекистон Давлат активларини бошқариш агентлиги.