Домодедово — Самарқанд рейсида “бомба” борлиги айтилди
Шундан сўнг ИИБ ходимлари бортда текширув ўтказган.
15 июль куни 03:15 атрофида Домодедово — Самарқанд йўналишидаги авиарейс билан учиб келган россиялик фуқаро маст ҳолда ушбу бортда хизмат олиб бораётган стюардессаларга “самолётда портловчи модда бор”, деб айтган.
Самарқанд вилояти ИИБ Портловчи моддаларни зарарсизлантириш гуруҳи ходимлари томонидан олиб борилган текширувлар натижасида мазкур бортда ҳеч қандай портловчи, ёнувчи ёки шубҳали буюмлар мавжудлиги аниқланмаган.
Тартиббузар ҳаракатларида МЖтКнинг 183-моддасида назарда тутилган маъмурий ҳуқуқбузарлик аломатлари борлиги сабабли тўпланган ҳужжатлар жиноят ишлари бўйича Самарқанд шаҳар судига юборилган.
