Дунё тартиботининг куч воситасида ўзгартирилишига қаршимиз — Фумио Кисида
Япония бош вазири Жозеф Байден билан музокара ўтказди.
Япония ва АҚШ шаклланган дунё тартиботи ва статус-квонинг куч ишлатиш йўли билан ўзгартирилишига қарши. Бу ҳақда Япония бош вазири Фумио Кисида Жозеф Байден билан музокаралар якуни бўйича ўтказилган матбуот анжуманида маълум қилди.
“Биз қаерда бўлишидан қатъий назар, шаклланган дунё тартиботини куч ишлатиш йўли билан ўзгартирилишига қарши чиқамиз”, –– деган у. Кисида Украинадаги вазият ҳамда Жанубий ва Шарқий Хитой денгизларидаги ҳолатни мисол қилиб келтирган.
Шу билан бирга Япония бош вазири Вашингтон билан энергетика ҳамда озиқ-овқат танқислиги соҳасида ҳамкорлик қилишини айтган. Унинг қўшимча қилишича, Украинадаги вазият ортидан энергетика ва озиқ-овқат йўналишида вазият кескин ёмонлашди.
Аввалроқ Байден Хитой ва Шимолий Кореяга вакцина етказиб беришга тайёрлигини айтганди.
