2022 йилда Ер сайёрасида мавжуд ядро қуроллари сони 12.7 мингни ташкил этди. Бу ҳақда Америка олимлари федерацияси тадқиқотида маълум қилинди.
“ ‘Совуқ уруш’якунланганидан сўнг бошланган ядро арсеналларини қисқартириш жараёнига қарамай, бу турдаги қуроллар захираси йириклигича қолмоқда. Тўққиз давлат 12.7 минг жанговар каллакка эга”, – дейилади ҳисоботда.
Дунёдаги 90 фоиз ядро қуроллари АҚШ ва Россияга тегишли. Уларнинг ҳар бирида 5 мингдан ушбу турдаги ракеталар бор. Хусусан, РФда 5977 дона, АҚШда 5428 дона ядро қуроллари мавжуд. Ундан кейинги ўринда Хитой (350 та), Франция (290 та), Буюк Британия (225 та), Покистон (165 та), Ҳиндистон (160 та), Исроил (90 та), Шимолий Корея (20 та) турибди.
Аммо тарихий масштабда ядро қуроллари сони камайганлигини кўриш мумкин. Масалан, 1986 йил, “совуқ уруш” авжига чиққан даврда уларнинг сони 70.3 мингни ташкил этган.
Аввалроқ БМТ бош котиби ядро қуроли хавфсизлик кафолатини бермаслигини айтганди.