Бу ҳақда БМТ Озиқ-овқат ва қишлоқ хўжалиги ташкилоти ўзининг озиқ-овқат нархлари индексига бағишланган ойлик ҳисоботида хабар бермоқда. Ҳисоботда айтилишича, май ойига нисбатан июньда нарх-наво индекси 2.5 фоизга пасайган, лекин нархлар ҳали ҳам бир йил олдинга нисбатан 33.9 фоизга баландлигича қолмоқда. Ташкилот нархлар индекси пасайишига ўсимлик ёғи, ғалла ва қисман сут маҳсулотлари нархи арзонлашганлиги сабаб бўлган. Жумладан, июнь ойида ўсимлик ёғи нархи май ойига нисбатан 9.8 фоиз, ғалла 2.6 фоизга, сут маҳсулотлари йил бошидан буён 1 фоизга арзонлашган.
Шу билан бирга гўшт ва шакар нархлари индекси ўсгани қайд этилди. Масалан, гўшт нархи индекси 2.1 фоиз, шакар нархи индекси 0.9 фоизга ўсган.
Озиқ-овқат ва қишлоқ хўжалиги ташкилоти январ ойидаги ҳисоботида озиқ-овқат нархлари 2014-йил июлидан буён максимал миқдорда ўсганлигини қайд этган эди. Жумладан, январда ғалла 7.1 фоиз, ўсимлик ёғи 5.8 ва шакар 8.1 фоиз га қимматлашган.