Эрдоған Тоқаевга электромобил совға қилди
Аввалроқ Туркия раҳбари Шавкат Мирзиёевга ҳам автомобиль юборганди.
Туркия раҳбари Ражаб Тоййиб Эрдоған Қозоғистон Президенти Қасим-Жомарт Тоқаевга электромобил совға қилди.
Маҳаллий нашрларнинг хабар беришича, Эрдоған ҳурмат белгиси сифатида Қозоғистон раҳбарига Туркияда ишлаб чиқарилган TOGG электромобилини совға қилган.
Қозоғистон президенти ўз ҳамкасбини электромобилларни оммавий ишлаб чиқариш муваффақиятли йўлга қўйилгани билан табриклаб, миннатдорчилик билдирган.
Эслатиб ўтамиз, Эрдоған аввалроқ худди шу автомобилдан Ўзбекистон Президенти Шавкат Мирзиёевга ҳам совға қилганди.
