Эрдоған: Туркия асримизнинг энг ёрқин юлдузларидан бири бўлади
Туркия етакчиси мамлакатнинг экспорт салоҳияти ҳақида гапирди.
Энергия ресурсларининг нархи ошиб кетиши Туркияга ҳам салбий таъсир кўрсатди. Бу ҳақда Ражаб Тоййиб Эрдоған маълум қилди.
Унинг сўзларига кўра, мамлакатда Адолат ва тараққиёт партияси ҳокимият тепасига келган йил — 2002 йилда 36 миллиард долларни ташкил этган бўлса, ҳозирда ҳукумат ўз олдига унинг ҳажмини 500 миллиард долларга олиб чиқишни мўлжалламоқда.
“Ҳукуматнинг мақсади — экспорт ҳажмини 500 миллиард долларга етказиш. Шундан кейин бу кўрсаткични икки баробар оширамиз. Экспортнинг ўсиши бандлик даражасининг ошишига ҳам сабаб бўлади. Ишлаб чиқариш ўсмоқда, туризм ривожланмоқда. Шубҳасиз, Туркия XXI асрнинг ёрқин юлдузи бўлади”, – деган Эрдоған.
Аввалроқ Эрдоған Швеция ва Финляндиянинг НАТОга киришидан хавотир билдирганди.
