Эрон Исроилга ҳужум қилишга тайёрланмоқда — ОАВ
Ўзбекистоннинг Исроилдаги элчихонаси ҳам огоҳлантириш билан чиқди.
Исроил яқин 24-48 соат ичида Эроннинг ҳужумини қайтаришга тайёрланмоқда. Бу ҳақда ОАВ хабар берди.
Ҳужум мамлакат жанубида ёки шимолида амалга оширилиши мумкин Аммо операция режаси муҳокама қилинаётгани учун ҳали якуний қарорга келинмаган.
Баъзи нашрлар Эрон ракеталар ва дронлардан фойдаланган ҳолда кенг миқёсли ҳаво ҳужумини режалаштираётганини ёзмоқда.
Айни пайтда АҚШ давлат котиби Энтони Блинкен Хитой, Туркия ва Саудия Арабистони ташқи ишлар вазирларидан вазиятни кескинлаштирмаслик учун Эронга босим ўтказишни сўраган.
Ўзбекистоннинг Исроилдаги элчихонаси ушбу мамлакатда бўлиб турган ўзбекистонликларни ўз яшаш жойини тарк этмасликка чақирди.
“Ўзбекистоннинг Исроилдаги элчихонаси минтақадаги вазият туфайли Исроил ҳудудида бўлиб турган фуқаролардан эҳтиёткорлик ва хавфсизлик чора-тадбирларини кўриш ҳамда доимий равишда ҳушёрлик зарурлигини эслатади”, дейилади хабарда.
