Эстония ТИВ: Россия энергетикасига санкция жорий этиш керак
Шунингдек, россияликларга виза беришни тўхтатиш таклиф қилинди.
Россияга қарши санкцияларнинг олтинчи пакети энергетик ресурсларга қарши тақиқни ўз ичига олиши керак. Бу ҳақда Эстония ташқи ишлар вазири Урмас Рейнсалу маълум қилди.
“Биз агрессиянинг баҳосини қиш келгунга қадар кўтаришимиз керак. Санкцияларнинг еттита пакети Путиннинг Украинага қарши ҳаракатларини тўхтатиш учун етарли бўлмади”, – деган дипломат.
Бундан ташқари, вазир россияликларнинг Европа Иттифоқига киришини тақиқланишни таклиф қилган.
“Россиянинг 10 миллиондан ортиқ фуқаролари Евроиттифоққа кириш ҳуқуқига эга. Кимдир биринчи қадамни ташлаши керак ва умид қиламанки,айрим масалаларда умумевропа келишувига эриша оламиз”, – деб қўшимча қилган у.
Аввалроқ Финляндия россияликларга виза беришни қисқартириши тўғрисида хабар берилганди.
