Фарғонада ҳамкасбига шилқимлик қилган эркак қамалди
Ҳолат футбол мактабида содир бўлган.
Кеча, 7 ноябрь куни жиноят ишлари бўйича Фарғона шаҳар судида МЖтК 41-1-моддасининг 1-қисми билан А.С.га оид маъмурий иш материаллари кўриб чиқилди.
Аниқланишича, А.С. 2024 йил сентябрь ойида Фарғона шаҳар С.Темур кўчасида жойлашган футбол мактабида ўзи билан бирга ишловчи мактаб директорининг хўжалик ишлари бўйича ўринбосари Ф.Ў.га турли беҳаё гаплар айтиб, шаҳвоний хусусиятга эга бўлган ҳаракатларни бир неча марта қўпол равишда содир этган.
Суд ҳукмига кўра, судланувчи А.С. МЖтКнинг 41-1-моддасининг 1-қисми билан айбли деб топилди ва шу модда билан 5 сутка маъмурий қамоқ жазоси тайинланди.
