Филиппинда ўғирланган хитойлик ўқувчи қутқарилди
Жиноятчилар боланинг ота-онасидан пул талаб қилган.
Филиппин полицияси 14 ёшли хитойлик ўқувчини қутқариб қолди. Уни хитойлик жиноятчилар гуруҳи ўғирлаб, ота-онасидан 20 миллион доллар тўлов талаб қилган. Жиноятчилар боланинг ҳайдовчисини ўлдириб, қўлидан бир бармоқ учини кесиб, оиласига қўрқитиш учун видео юборган.
Ички ишлар вазири Жонвик Ремулланинг сўзларига кўра, ота-оналар тўловни рад этганидан сўнг, ўғрилар полиция таъқибидан қочишга уриниб, талабани Маниланинг гавжум кўчасига ташлаб кетишган. Ҳозирда гумонланувчилар, жумладан, собиқ полициячи ва аскарлар қидирилмоқда.
Ушбу жиноят Филиппинда ноқонуний онлайн қимор бизнесининг ёпилиши ортидан жиноятчиларнинг одам ўғирлаш каби жиноятларга қўл ураётганини кўрсатмоқда. Расмийлар бундай таҳдидлар, жумладан, онлайн фирибгарликлар ва криптовалюта жиноятларига қарши кураш давом этишини таъкидламоқда.
