НАТО бош котибининг сўзларига кўра, Финляндия альянс аъзоси бўлишни истаса, уни тезда қабул қилишади. Бу ҳақда Йенс Столтенберг CNN телеканалига берган интервьюсида айтган.
“Қарор Финляндияда қолган. Уларнинг ўз келажагини ўзи белгилаш ҳуқуқи бор. Буни Россия кутмаяпти. Чунки улар финлар НАТО аъзоси бўлган тақдирда оғир оқибатлардан огоҳлантирган”, — деган Столтенберг.
Шу билан бирга, у агар Швеция ва Финляндия альянс аъзоси бўлишни истаса, бу масаланинг тезда ижобий ҳал бўлиши имконияти топилади.
Ўтган хафтада Финляндия президенти Саули Ниинисте Столтенберг билан Шимолий Атлантика блокига янги давлатлар қўшилиши масаласини муҳокама қилишини маълум қилган. Шунингдек, у Хельсинки хавфсизлигини кучайтириш зарурлигини айтган.
Бундан ташқари, мамлакат бош вазири Санна Марин Россия финлар кутган қўшни эмаслигини ва ёзгача НАТОга кириш кирмасликни ҳал этиш лозимлигини таъкидлаган.
Швеция ва Финляндия нейтрал давлатлар бўлиб, бутун совуқ уруш давомида НАТОга аъзо бўлмаган.
Аввалроқ Германиянинг ҳаво ҳужумига қарши мудофааси кучайтирилиши тўғрисида хабар берилганди.