Франция собиқ президенти Франсуа Олланд президент сайловларининг иккинчи турида Эммануэль Макронга овоз беришга чақирди.
“Фикримча, ушбу сайловларда энг муҳими – Франция, унинг яхлитлиги, унинг Европадаги келажаги ва унинг мустақиллиги. Шунинг учун мен французларни эммануэль Макронга овоз беришга чақираман”, – деган у TF1 телеканали эфирида.
Олланд 2012-2017 йилларда Франция президенти бўлган. Макрон унинг раҳбарлиги даврида турли лавозимларда, хусусан, иқтисодиёт, молия ва рақамли иқтисод вазири бўлиб ишлаган.
Францияда президентлик сайловининг иккинчи тури 24 апрелда бўлиб зтади ва унда Макрон ҳамда Марин Ле Пен кураш олиб боради.
Аввалроқ Макрон сиёсатдан кетгач, ёзувчи бўлишини айтганди.