Франция ва Ҳиндистон океан ва унинг ресурсларини ўзлаштиришда ҳамкорлик бўйича “йўл харитаси”ни ишлаб чиқди. Бу ҳақда “ТАСС” Ҳиндистон ТИВ баёнотига асосланиб хабар берди.
Франция ташқи ишлар вазири Жан Ив Ле Дриан 20 февраль куни Парижда ҳиндистонлик ҳамкасби Субраманиям Жайшанкар билан учрашувда океан бўцича келишувга эришган.
“Томонлар Ҳиндистон ва Франциянинг.... “мовий иқтисодиёт” ҳамда океанлар бошқаруви бўйича йўл харитасини қабул қилди”, – дейилади Ҳиндистон ТИВ тарқатган хабарда. Қўшимча қилинишича, Париж ва Деҳли “мовий иқтисодиёт”ни ўз жамиятлари тараққиётининг ҳаракатлантирувчи кучига айлантирмоқчи.
Ҳар икки давлат океанлар тўғрисидаги фанга ва уларнинг сақлаб қолинишига ҳисса қўшиш ниятида. Шунингдек, улар денгиз савдоси, портлар, балиқ овлаш, илмий изланишлар ва океанларни кузатишни ўз ичига оладиган ҳинд-францус ҳамкорлигини йўлга қўймоқчи эканлиги айтилган.
Эслатиб ўтамиз, аввалроқ Ҳинд генерали Деҳли учун асосий хавф қайси давлатдан келишини маълум қилганди.
Жаҳонгир Қўзиев