Фуқаровий бурчини бажараётган шахсга қаршилик учун жиноий жавобгарлик кучайтирилди
Президент томонидан Жиноят кодекси ва Маъмурий жавобгарлик тўғрисидаги кодексга ўзгартишлар киритишни назарда тутувчи қонун имзоланди.
Киритилган ўзгартишларга кўра, ҳокимият вакилига ёки фуқаровий бурчини бажараётган шахсга қаршилик учун жиноий жавобгарлик кучайтирилди.
Бундай ҳаракатлар учун:
➖ БҲМнинг 50 бараваридан 100 бараваригача жарима (илгари фақат 50 бараваригача);
➖ 1 йилдан 3 йилгача озодликни чеклаш (илгари 1 йилгача);
➖ 1 йилдан 3 йилгача (илгари 1 йилгача) озодликдан маҳрум қилиш билан жазоланади.
Шунингдек, Маъмурий жавобгарлик тўғрисидаги кодексда ҳокимият вакилининг, ички ишлар ва Миллий гвардия ходимларининг қонуний талабларини бажармаганлик учун ҳам жавобгарлик чоралари кучайтирилиб, жарима миқдори оширилди.
Эслатиб ўтамиз, аввалроқ муаллифлик ҳуқуқининг амал қилиш муддати ўзгартирилиши, Ўзбекистонда “права”сиз машина ҳайдашга ва рулда телефондан фойдаланишга рухсат берилиши мумкинлиги ҳақида хабар берилган эди. Шунингдек, айрим ҳуқуқбузарликлар бўйича жарималар миқдори камайтирилиши бўйича маълумот берилганди.
Чўлпоной Аҳмедова
