Футболчи 7 декабрь куни Европа чемпионлар лигасининг “Интер”га қарши баҳсида иштирок этиши мумкин.
Хабарларга кўра, Бейл куни кеча “Реал”нинг барча футболчилари билан умумий гуруҳда шуғулланган. Футболчи билан Даниел Себаллос индивидуал тарзда машғулот олиб борган.
Шунингдек, катта эҳтимол билан жамоанинг асосий ҳужумчиси, Карим Бензема “Интер” билан ўйинда иштирок этмаслиги мумкин. Карло Анчелотти франциялик футболчининг жароҳатдан тўлиқ тузалишини кутмоқда.
Эслатиб ўтамиз, ушбу жамоалар мусобақанинг “Д” гуруҳидан ўрин олган. “Реал Мадрид” гуруҳда 12 очко жамғарган ҳолда биринчи ўринни эгаллаб турибди. Иккинчи ўринни эса Миланнинг “Интер” клуби 10 очко билан банд этган.
Аввалроқ “Нюкасл” Кроос учун “Реал”га 30 миллион евро таклиф қилгани ва Бекобод шаҳрида “Реал Мадрид” футбол академияси очилгани ҳақида хабар берилганди.
Жамшидбек Амиров