Ushbu futbol akademiyasida barcha shart-sharoit mavjud: o‘yin maydonlari, yotoqxona, o‘quv bo‘limi va zamonaviy oshxona. U yerda 11 yoshdan 17 yoshgacha bo‘lgan 7 ta yosh toifasida futbolchilar tayyorlanadi. Akademiyada o‘quv-mashg‘ulotlari “Real Madrid” futbol klubi anʼanalariga mos ravishda olib boriladi. Mashg‘ulotlar uchun tabiiy va sunʼiy futbol maydonlari, fitnes mashg‘ulotlari uchun mo‘ljallangan inshootlar bunyod etilgan.
Mazkur akademiyaning ochilish marosimda “Real Madrid” futbol klubining afsonaviy sobiq futbolchisi Alvaro Arbeloa ishtirok etdi hamda unga qabul qilingan yosh futbolchilarga o‘z mahorat va tajribasini namoyish qildi.
Avvalroq Real Madrid sobiq futbolchisining O‘zbekistonga kelishi va Iker Kasilyas Dubayda darvozabonlar tayyorlash markazini ochmoqchi ekanligi haqida xabar berilgandi.
Jamshidbek Amirov