Futbolchi 7 dekabr kuni Yevropa chempionlar ligasining “Inter”ga qarshi bahsida ishtirok etishi mumkin.
Xabarlarga ko‘ra, Beyl kuni kecha “Real”ning barcha futbolchilari bilan umumiy guruhda shug‘ullangan. Futbolchi bilan Daniyel Seballos individual tarzda mashg‘ulot olib borgan.
Shuningdek, katta ehtimol bilan jamoaning asosiy hujumchisi, Karim Benzema “Inter” bilan o‘yinda ishtirok etmasligi mumkin. Karlo Anchelotti fransiyalik futbolchining jarohatdan to‘liq tuzalishini kutmoqda.
Eslatib o‘tamiz, ushbu jamoalar musobaqaning “D” guruhidan o‘rin olgan. “Real Madrid” guruhda 12 ochko jamg‘argan holda birinchi o‘rinni egallab turibdi. Ikkinchi o‘rinni esa Milanning “Inter” klubi 10 ochko bilan band etgan.
Avvalroq “Nyukasl” Kroos uchun “Real”ga 30 million yevro taklif qilgani va Bekobod shahrida “Real Madrid” futbol akademiyasi ochilgani haqida xabar berilgandi.
Jamshidbek Amirov