Германия газ захираларини кўпайтириш учун катта маблағ ажратди
Шунингдек, Берлин кўмир электр станцияларидан янада фаол фойдаланмоқчи
Германия иқтисодиёт вазирлиги мамлакат ерости газ сақлаш омборларини тўлдириш учун 15 миллиард евро ажратди. Бу ҳақда DPA агентлиги хабар берди.
Шу мақсадда KfW банк гуруҳи кредит тақдим этади. Ушбу маблағлар Германиянинг Trading Hub Europe газ хабига берилади. Бундан ташқари, ҳукумат газни кўпроқ тежаш мақсадида кўмир электр станцияларидан янада фаол фойдаланмоқчи.
16 июнда Bloomberg агентлиги РФнинг Германиядаги энг йирик мижози Uniper’га газ етказиб беришни қисқартиргани тўғрисида хабар берганди.
Аввалроқ Европа қишга ғамлаб қўйилган газдан фойдаланишни бошлагани тўғрисида хабар берилганди.
