Германияда кучли сув тошқини оқибатида 58 киши қурбон бўлди, 1300 киши бедарак йўқолган
Германия ғарбидаги Арвайлер округи ҳокимияти кучли сув тошқинидан сўнг мингдан ортиқ одамнинг бедарак йўқолганини хабар қилди.
Душанбадан бери ёғаётган кучли ёмғир сув тошқинига сабаб бўлди.
"Айни пайтда 1,3 минг киши бедарак йўқолган. Биргина Бад-Нойенар-Арвайлер шаҳрида тонгда мингга яқин чақирув бўлган, қутқарув операциялари ҳозиргача давом этмоқда. Мураккаб вазият туфайли ҳолат юзасидан якуний хулоса қилишнинг ҳозирча имкони йўқ", - дейилади округ матбуот хизмати хабарида.
Арвейлер округида 130 минг одам яшайди.
Душанба кунидан бери Германия жануби-ғарбида кучли ёмғир кузатилмоқда. Рейна Ар, Мозель, Зауэр, Прюм, Нимс, Киль, Эрфт дарёлари ўзанидан чиқиб кетган.
Германияда фавқулотда вазият қурбонлари сони 58 нафарга етди.
Канцлер Ангела Меркель табиий офатдан кўрилган зарар бир неча кунда аниқланишини эълон қилди.
