Германиянинг Шверин шаҳрида меҳмонхоналар ходимларини чалғитиб, 15 йил давомида турар жой учун пул тўламай яшаган аёл ниҳоят қўлга олинди. Дюсселдорфдан келган бу аёл сўнгги марта Мекленбург-Ворпоммерн ҳудудидаги меҳмонхоналардан бирига жойлашган ва ўзини тўловга қодир сифатида кўрсатган. Бироқ, у кредит картасини йўқотганини айтиб, пулни кейинроқ тўлашни ваъда қилган.
Меҳмонхона ходимлари аёлнинг ҳаракатларидан шубҳаланиб, политсоияга хабар беришган. Текширув натижасида, у бир неча кун яшаб, тахминан 500 евро миқдоридаги ҳисобни тўламасдан қочмоқчи бўлгани аниқланган. Полиция уни меҳмонхонадан қочишга уринаётганида қўлга олган.
Дастлабки суриштирувлар давомида бу аёл охирги 15 йил ичида шу усул билан 100 дан ортиқ меҳмонхонада тунагани маълум бўлди. У ҳар сафар янги меҳмонхонага жойлашиб, бир неча кун яшаган ва ҳисоб-китобни тўламасдан ғойиб бўлган.
Шверин прокуратураси аёлга нисбатан ҳибсга олиш тўғрисида қарор чиқарди. Ҳозирда тергов ишлари давом этмоқда.