Гуэдес жамоадан кетмоқчи
“Валенсия” Гуэдесни 40 млн еврога сотишга тайёр.
“Валенсия” раҳбарияти Гонcало Гуэдес билан хайрлашмоқчи. Бу ҳақда “Calciomercato” нашри хабар берди.
Манбага кўра, испан клуби Гонсало учун тахминан 40 млн евро олмоқчи. “Рома” футболчига даъвогарлик қилмоқда. Олдинроқ римликлар ўз ҳужумчиси Карлес Пересни Гуэдесга алмаштиришлари мумкинлиги ҳақида хабарлар тарқалган эди. Португалиялик футболчига “бўрилар” бош мураббийи Жозе Моуринё ҳам қизиқиш билдирмоқда.
Маълумот учун: Гуэдес “Валенсия”да 2018-йилдан буён тўп сурмоқда. У “ПСЖ”дан 40 млн евро эвазига кўчиб ўтган эди. Футболчининг клуб билан шартномаси 2023-йилнинг 30-июнига қадар амал қилади.
