Гулбиддин Ҳикматёр: “Толиблар инклюзив ҳукумат тузишга тайёр”
Гулбиддин Ҳикматёр: “Толиблар инклюзив ҳукумат тузишга тайёр”.
Афғонистон Ислом Партияси раҳбари Гулбиддин Ҳикматёр ”Спутник Афганистан” нашрига интервью берди.
Унда Ҳикматёр Панжшер масаласига алоҳида тўхталган. Жумладан, Панжшер етакчилари урушга интилмаётгани алоҳида таъкидланган. Чунки Кобулга музокаралар учун биринчи бўлиб улар келган. Шу билан бирга, панжшерликлар ҳали ўзининг аниқ таклифини бермаган.
Ҳикматёр “Толибон” ўзгарганлигини қайд этди. “Улар кўп нарса ўрганди, тажриба орттирди, қарашларида ҳам ижобий ўзгаришлар бор”, — деган сиёсатчи. Толибларнинг вилоятларда собиқ давлат хизматчиларидан қасос олаётгани ҳақидаги хабарлар ёлғон эканини айтган.
Ҳикматёр Кобул аэропортидаги вазият олдиндан режалаштирилган, деган фикрда. Бундан ташқари у Андаробдаги жангларда чет эл махсус хизматларининг қўли борлигини таҳмин қилган.
