“Ҳамма ўзига жавоб бериши керак”
Зеленский Германияни танқид қилди.
Германия Киевга танк ва бошқа зирҳли техника етказиб беришни истамайди. Бу ҳақда Украина президенти Владимир Зеленский Bild газетасига берган интервьюсида маълум қилди.
"Агар бизга танк беришни истамасангиз, биз хафа бўлмаймиз, сиз мустақил давлатсиз. Аммо илтимос, аввал Америка, кейин Германия, кейин Польша деманг. Керак эмас. Ҳамма ўзига жавоб бериши керак", — деган у.
Берлин август ойида Украинага қурол етказиб беришда муаммога дуч келганини маълум қилган. Сентябрь ойида Германия қуролли кучлари иттифоқи буни тасдиқлади. Ҳозирги кунда германияликлар Киевга MARS ялпи ўт очиш реактив тизимларини, ўзиюрар Panzerhaubitze 2000 гаубицаларини ҳамда Gepard зенит тизимларини етказиб берган.
Шу билан бирга Бундесвер бошқа давлатлар қўллаб-қувватламаса, Украинага танк етказиб бермаслигини маълум қилган.
Аввалроқ Олаф Шольц Германияга ўта замонавий қуроллар етказиб беришга ваъда берганди.
