Ҳиндистонда иккита поезд тўқнашиб кетди
Ҳодиса оқибатида ҳалок бўлганлар бор.
Ҳиндистоннинг Ғарбий Бенгалия штатида йўловчи поезди юк поезди билан тўқнашиб кетди. Оқибатда камида 13 киши ҳалок бўлди, дея хабар бермоқда Reuters агентлиги маҳаллий ҳукуматга таяниб.
Ҳодиса бугун, 17 июнь куни маҳаллий вақт билан эрталаб соат 9:00 атрофида содир бўлган. Эхпресс йўловчи поезди Рангапани станцияси яқинида юк поездига бориб урилган. Тўқнашувга нима сабаб бўлгани номаълум.
Дастлаб бешта ўлим ҳақида хабар берилганди, кейинроқ уларнинг сони ортди.
“Ҳодиса оқибатида 20-25 киши тан жароҳати олди. Вазият жиддий”, деди маҳаллий полиция вакили Абхишек Рой журналистларга.
