Ҳиндистонда номаълум вирусдан 68 киши вафот этди
Ҳиндистоннинг Уттар-Прадеш штатида сўнгги бир ҳафта ичида номаълум вирусдан иситма қилиб 68 киши вафот этди, уларнинг 40 нафари ёш болалар. Бу ҳақда “The Times of India” нашри хабар бермоқда.
Маълум бўлишича, фақат охирги 24 соат ичида 12 бола касаллик туфайли ҳаётдан кўз юмган. Касал бўлганларнинг кўпчилигида юқори иситма, чанқаш ва қондаги тромбоцитлар миқдори пасайиши, кучли бош оғриғи, мушаклар оғриғи, кўнгил айниши ва лимфа тугунлари шишиши кузатилган.
Инфекциянинг аксарияти Агра, Матҳура ва Фирозобод туманларининг қишлоқ жойларида қайд этилган.
"Бу ҳудудларда вазият жуда оғир. Касаллик тарқалишига санитария ва гигиенана қоидаларига риоя қилмаслик сабаб бўлган", — дейди шифокорлардан бири.
Беморлар коронавирус билан касалланганлар даволанаётган шифохонага ётқизилгани хабар қилинган. Чақалоқларни даволаш учун камида икки ҳафта вақт керак бўляпти.
Насиба Тўхтаева
