Илҳом Алиев Никол Пашинян билан учрашади
Учрашув Гранадада бўлиб ўтиши режалаштирилган.
Арманистон Хавфсизлик Кенгаши котиби Армен Григорян Бош вазир Никол Пашинян ва Озарбайжон президенти Илҳом Алиевнинг Гранададаги учрашувини тайёрлаш учун Брюсселга амалий ташриф билан боради.
26 сентябрь куни Брюсселда Григорян Франция президенти маслаҳатчилари, Германия канцлери, Европа кенгаши раҳбари ва Озарбайжон президенти ёрдамчиси Ҳикмет Ҳажиев билан етакчилар учрашувига тайёргарлик кўриши режалаштирилган.
5 октябрь куни Гранадада Арманистон бош вазири, Озарбайжон етакчиси, Франция президенти, Германия канцлери ва Европа кенгаши раҳбари иштирокида беш томонлама йиғилиш ўтказилади.
17 сентябрь куни Пашинян журналистларга Гранададаги учрашувда Озарбайжон билан тинчлик шартномаси имзоланмаслигини айтганди.
