Илҳом Алиев Қорабоғ марказида Озарбайжон байроғини кўтарди
Аввалроқ, Алиев Қорабоғ ҳудуди бўйлаб сафари чоғида Агдер шаҳри ва Сарсанг сув омбори ҳудудида давлат байроғини кўтарганди.
Озарбайжон президенти Илҳом Алиев Қорабоғ маркази — Боку Хонкенди деб атайдиган Степанакертда давлат байроғини кўтарди.
Президент нутқ ҳам сўзлади, дея қўшимча қилди Озарбайжон раҳбари идораси. Тадбирнинг бошқа тафсилотлари келтирилмаган. Қорабоғ ҳудуди бўйлаб сафари чоғида Алиев аввалроқ Агдер (арманча номи Мартакерт) шаҳри ва Сарсанг сув омбори ҳудудида Озарбайжон байроғини кўтарган эди.
Эслатиб ўтамиз, Озарбайжон 19-20 сентябрь кунлари асосан этник арманлар истиқомат қиладиган Қорабоғда, Боку маълум қилганидек, «конституциявий тузумни тиклаш» мақсадида ҳарбий амалиёт ўтказди. Ҳарбий ҳаракатлар натижасида Озарбайжон ушбу баҳсли ҳудуд устидан назорат ўрнатди. 28 сентябрь куни Қорабоғ «раҳбари» 2024 йил 1 январдан бошлаб тан олинмаган республиканинг мавжудлигини тугатиш тўғрисидаги фармонни имзолади.
Икки ҳафта ичида деярли бутун арман аҳолиси - 100 мингдан ортиқ киши Қорабоғни тарк этди. 5 октябрь куни Арманистон бош вазири Никол Пашинян Қорабоғни Озарбайжон ҳудуди сифатида тан олиш тўғрисидаги декларацияни имзолади.
