Индонезияда куйдирги тарқади
Касалликдан 3 та ўлим ҳолати қайд этилган.
Индонезияда 87 киши куйдирги билан касаллангани аниқланди. Расмийларнинг маълум қилишича, 3 киши вафот этган. Вирусдан биринчи ўлим ҳолати 5 июнь куни қайд этилган.
Куйдирги ўлимга олиб келадиган юқумли касаллик бўлиб, одамга фақат касалланган ҳайвонларнинг гўштини истеъмол қилиш орқали юқиши мумкин. Индонезия Соғлиқни сақлаш вазирлиги маълумотларига кўра, мамлакатда эпидемияга айнан заҳарланган гўштни истеъмол қилиш сабаб бўлган.
Биринчи қурбон касал сигир гўштини сотган. Касаллик тарқаган провинция маъмурияти вирус аниқланган пайтдан бошлаб 120 кун давомида яқин атрофдаги ҳудудни «қизил» хавфли ҳудуд деб эълон қилди ва аҳолига фақат соғлом чорва гўштини истеъмол қилишни тавсия қилди.
