Ироқда шифохонада ёнғин чиқиши оқибатда 54 киши ҳалок бўлди
Iroq janubidagi An-Nasriya shahrida shifoxonada kelib chiqqan yong‘in natijasida kamida 54 kishi halok bo‘ldi.
Бу ҳақда Associated Press хабар бермоқда.
Аланга COVID-19 беморлари даволанаётган бўлимни қамраб олган. Натижада камида 54 киши ҳалок бўлган ва ўнлаб одамлар жароҳатланган.
Ёнғинга қисқа туташув сабаб бўлгани тахмин қилинмоқда. Бошқа маълумотларга кўра, аланга кислород баллони портлаши оқибатида келиб чиққан. Ироқ ССВ ёнғин сабабларини ҳали расман эълон қилгани йўқ.
Агентлик хабарига кўра, ёнғин келиб чиққан бўлим 3 ой олдин очилган. У 70 нафар беморга мўлжалланган.
Соғлиқни сақлаш департаменти вакилининг айтишича, ёнғин бошланган вақтда бўлимда камида 63 киши даволанаётган бўлган. Таъкидланишича, бино тез алангаланадиган материаллардан қурилган.
Айни пайтда Ироқда COVID-19 нинг навбатдаги тўлқинини бошдан кечирмоқда. У ерда кунига 9 мингдан ортиқ бемор рўйхатга олинмоқда.
