Исроилда коронавируснинг янги тўлқини бошланди
Мамлакатда карантин чоралари кучайтирилиши мумким.
Исроил Соғлиқни сақлаш вазирлиги мамлакатда коронавирусининг еттинчи тўлқини бошланганини эълон қилди. Маҳаллий ОАВ касалхоналарда коронавирус бўлимлари қайта очилаётгани ва карантин чоралари кучайтирилиши мумкинлигини ёзмоқда.
Ҳозирда деярли 47 минг кишига касаллик ташхиси қўйилган, 572 киши шифохонада, қолганлар эса уйда даволанмоқда.
Соғлиқни сақлаш вазирлиги биноларда ва жамоат транспортида ниқоб тақишни тавсия қилмоқда. Клиникалар ва дорихоналарда, шунингдек, кексалар жойлашган муассасаларда ниқобдан фойдаланиш мажбурий.
